Mijmeringen

 

Leefde

Leefde is get van tweë luuj
Neet van eine, van tweë is leefde.
Es leefde van eine kump geit leefde verlaore.
Leefde is get van tweë luuj
Neet van eine is leefde.
Leefde geit oet van d’n eine
En kump aan bie d’n angere.
Es leefde needt aankump, geit ze verlaore.
Leefde is get van tweë luuj
Neet van eine is leefde,
Van tweë!

Leefde is kalle, vertèlle, gekke,
Leefde is plaoge en toeke, temtére.
Leefde is sjelle!... vertèlle…. en kalle…
Leefde is zjwiege.

Leefde is get van tweë luuj
Neet van eine, van tweë is leefde.


Max de Bruin